ILOILO CITY – Wala na makit-an ang gingamit nga armas-luthang sang suspek nga nagpatay sa isa ka chinese national sa dalan Iznart, Iloilo City Proper.
Ang biktima amo si Willy Sy, negosyante sang fashion accessories.
Ang suspek nga nagluthang-patay amo si Andy Mahinay alyas “Hapon”, 38, residente sang Brgy. Nonoy, City Proper.
Sa interview sang Bombo Radyo kay Police Major Francisco Paguia Jr., hepe san Police Station Number 1, iya ginpahayag nga wala na marecover ang firearm nga gingamit sa crime scene apang ang ila nasapwan nga 9mm nga basyo ang ipadala sa crime laboratory sang Police Regional Office 6. s
Diri, matukiban kun lisensyado ang armas kag kun nagamit na ini sa iban pa nga krimen.
Ginpahayag sang hepe nga sang gin-aresto ang suspek wala pa ini mag-ako tuhoy sa gingamit nga armas apang sang damlag lang ginsugid man sini ang matuod.
Nahibaluan nga preso na ang suspek sa Police Station No. 1.
