STA. BARBARA, ILOILO – Planted.
Ini ang sabat sang duha ka mag-utod nga gindakop sa ginpatigayon nga drug buy bust operation sa Zone 1, Brgy. Daga, Sta. Barbara, Iloilo.
Ang mga nadakpan amo ang mag utod nga sanday Rhona Susbilla, 43 anyos sang Brgy. Dalid, Sta Barbara kag Joan Sorongon, 40 anyos sang Brgy. Daga, Sta Barbara; kag Cornelio Somcio, 38 anyos sang Brgy. Cafe sa amo man nga banwa.
Sa interview sang Bombo Radyo kay Sorongon, iya ginpahayag nga biktima lamang sila sang iya utod kag matinlo ang ila konsensya nga wala sila nagabaligya sang iligal nga droga.
Suno sa iya, indi nila kilala si Somcio nga amo ang ginapahayag sang pulis nga na-transaksyon nila nga duha.
Sa pagkamatuod pahayag ni Sorongon, bag-o lang siya nakakita sang shabu nga gina-alegar sini nga ginbutang sa iya nga bag samtang sila ang ginpatalikod kag ginpaduko.
Pahayag naman ni PMaj. Raymond Celoso, hepe sang Sta. Barbara Municipal Police Staton, samtang naga transaksyon si Somcio, kinahangan nga may yara sang isa pa ka persona nga amo ang mabaton sang kwarta.
Suno kay Celoso, nagpadulong si Somcio sa tyangge ni Sorongon kag didto ginhatag ang buy bust money nga P50,500.
Bangud nga may yara sang operatiba nga nakapalibot, natigayon nga madakpan sa akto ang tatlo ka mga persona.
Ang drug buy bust operation ang ginpatigayon sang Regional Police Drug Enforcement Unit 6 kag Sta. Barbara Municipal Police Station.
