May yara lang sang 10 ka mga panibag-o nga mga classrooms ang natigayon nga matukod sa pungsod gikan sa 5,000 nga target sang Department of Education (DepEd) para sa tuig 2020.
Suno kay Senator Sherwin Gatchalian, nakig-angot siya sa Department of Public Works and Highways kag nahibaluan nga 10 lang gid ka mga classrooms ang natukod.
Base sa data nga ginpakita sang senador, target sang ahensya nga makapatukod sang 5,174 classrooms subong nga tuig.
Sang 2019, 180 lang ang natukod gikan sa target sang DepEd nga 4,580 kag sang 2018, 11 lang ang natukod gikan sa target sini nga 28,170 classrooms.
Pahayag ni Gatchalian, indi ini sala sang DepEd sa baylo, nangin kwestyonable ini sa bahin sang Department of Public Works and Highways bangud daw kaangay nga nagalab-ot gid sang duha ka tuig ang pagpatukod sang mga classrooms.
