S. KOREA – Manirado na sang mga bars kag nightclubs ang South Korea amo man ang paglimit sang religious gatherings kag paghugot sang pagsulundan sa mga restaurants.
Ini bangud sa pagtaas liwat sang numero sang COVID-19 kag agud mapunggan ang pag-umpisa sang third wave sang COVID-19 infections.
Base sa Korea Disease Control and Prevention Agency (KDCA), 330 ang panibag-o nga COVID-19 cases nga na rekord sa diin mas manubo ini sa 386 nga una ginreport sang tinalikdan nga adlaw apang ini na ang ika-lima nga asud-asud nga inadlaw nga may yara sang masobra 300 ka mga kaso sang COVID-19.
Ang mga coffee shops sa Seoul ang gin-abisohan na nga para na lamang sa takeout kag delivery service samtang ang mga restaurants ang kinahanglan magsirado 9:00 sang gab-i.
Nagpanugyan man si Prime Minister Chung Sye-kyun nga dapat ipatuman ang physical distancing agud nga indi na magdamo pa ang kaso sang covid-19.
Sa subong, mas agresibo nga tracing, testing kag quarantine effort ang ginahimo sang South Korea agud mapanubo ang kaso samtang wala naman sang lockdowns nga ginapatuman.
