ILOILO CITY- Nadakpan sa akto nga nagasugal ang walo ka mga indibidwal sa isa ka namatyan sa Brgy Sto. Nino Sur, Arevalo, Iloilo City.
Ang mga arestado nga naaktuhan nga nagahampang sang mahjong,pusoy kag lucky nine amo sanday Robert Ferrer , 42; Gerald Dela Torre, 21; Jemwel Aprong, 21; Jaype Aprong, 34; Domingo Villariz , 69; Angelica Edangga, 29; Rosene Lacson, 38; kag, isa ka menor de edad.
Sa interview sang Bombo Radyo kay alyas Doming, isa sa mga nadakpan, iya man gin-ako ang ila pagsugal sa nasambit nga namatyan.
Narekober naman ang 1, 210.00, duha ka set sang playing card, isa ka set sang Mahjong dice, tatlo ka lamesa,12 ka monobloc chair, 2 ka Manila paper, kag isa ka mahjong paper pad.
Kaso nga paglapas sa PD 1602 ang ginapangatubang sang mga arestado nga nakahunong na sa Arevalo Police Station.
Ginturn-over naman sa Women and Children’s Protection Desk ang nadakpan nga menor de edad.
