ILOILO – Nagpaandam ang Department of Interior and Local Government (DILG) sa mga local government unit officials kag pumuluyo angot sa mga wala nagasunod sa Road Clearing Operations.
Sa interview sang Bombo Radyo kay Atty. Cedric Jaranilla, legal officer sang Department of Interior and Local Government Region 6, iya ginpahayag nga ang mga opisyal sang gobyerno ang nagakadapat nga magpanguna sa paghawan sa mga dalanon.
Suno kay Jaranilla, ini na ang ikatatlo nga hugnat sang road clearing operations matapos gin-untat bangud sa COVID-19 pandemic.
Ang mga pasaway nga vendors kag pumuluyo nga nagasablag sa dalan ang pasakaan sang kaso.
Sa mga lugar nga yara sa General Community Quarantine (GCQ), gin-athag ni Jaranilla nga partial lang ang ipatuman nga clearing operations.
Samtang, sa mga lugar naman nga yara sa Modified Enhance Community Quarantine (MECQ) kag Enhance Community Quarantine (ECQ), suspendihon sa clearing operations.
