Kinahanglan sang gobyerno sang pondo nga indi magnubo sa P73 billion agud nga ibakal sang COVID-19 vaccines para sa 60 million nga mga Filipinos.
Suno kay Department of Finance Sec. Carlos Dominguez III, makuha sang pondo ang pungsod sa tatlo ka mga sources lakip diri ang multilateral agencies, domestic sources, kag pinaagi sa bilateral negotiations.
Ang dako nga pondo ang magahalin gikan sa Asian Development Bank kag World Bank pinaagi sa low-cost, long-term loans.
Ginabanta P20 billion naman ang magahalin gikan sa domestic sources kaangay sang Landbank of the Philippines, Development Bank of the Philippines, amo man sa iban nga mga government-owned kag controlled corporations.
May i-conduct man nga bilateral negotiations ang gobyerno sa sin-o man ang makahatag sang bakuna.
Ginalantaw sang gobyerno nga P73.2 billion ang maggasto sini sa 60 million nga mga Filipino sa diin P1,200 ang kada isa ka tawo.
