ILOILO CITY – Nakig-angot ang Iloilo City Council sa Iloilo City Police Office agud mangayo sang listahan sang mga lehitimo nga grupo ukon gang sa syudad sang Iloilo.
Sa exclusive interview sang Bombo Radyo kay Iloilo City Councilor Carlos ‘Jojo’ Javellana, chairman sang Committee on Police Matters sa Iloilo City Council, iya ginpahayag nga luyag niya nga maistorya mismo ang mga pinuno sang kada gang sa syudad sang Iloilo.
Suno kay Javellana, madamo man siya sa gihapon nakit-an nga menor de edad nga nagalagaw kun kagab-ihon sa syudad sang Iloilo sa diin ginahibalo pa kun may gang ang mga ini.
Samtang, naghingyo man ang natungdan sa mga ginikanan nga buligan man ang gobyerno nga magdisiplina sa mga kabataan agud madasig mapatin-ag ang peace and order.
