ILOILO CITY – Nagsapol ang Iloilo City Council kag Iloilo City Police Office tuhoy sa nagluntad nga mga kinagamo may kaangtanan sa mga gang sa syudad sang Iloilo.
Matandaan nga sang damlag lang, nagluntad ang rambol sa atubang sang Sunburst Park sa JM Basa Street, Iloilo City Proper sa diin ginabanta 10 ka mga kalalakihan ang involve kag apat sa ila ang lunsay pilason.
Sa exclusive interview sang Bombo Radyo kay Iloilo City Councilor Carlos ‘Jojo’ Javellana, chairman sang Committee on Police Matters sa Iloilo City Council, iya ginpahayag nga 27 tanan ka mga gang ang nalista sa syudad sang Iloilo.
Apang suno kay Javellana natukiban nga ang miyembro sang mga gang ang halos menor de edad.
Lakip sa lista sang mga gang sa syudad sang Iloilo amo ang masunod:
Sa Iloilo City Proper:
- Strong people real men (SPERM)
- BRB (Batang rebeldeng brutal)
- Bad bum
- DOCE (12) Gang
- Sperm Junior
Sa Distrito sang Lapaz kag Lapuz:
- LBS (Little Brown Style)
- TBS (True Brown Style)
- MBS (Mga Batang Sikat)
- Homeboys
- Guardians
- Gori Gang
- OR (Oliy’s Republic)
Sa Distrito sang Jaro:
- Thank You God Always (TYGA)
- YBG
- Pinoy Thug Syndicate (PTS)
- Thank God (T-God)
- Heart Heart
- True Brown Style (TBS)
- Collins
Sa Distrito sang Molo:
- Roll Up
- LGS
Sa Distrito sang Mandurriao:
- Cool Amigos
- Thank you God Always (TYGA)
- Strong Kids
- STS (Street True Side)
- Barbie
Sa Distrito sang Arevalo:
- MS13 (McStuffins)
Bangud sini, padayon sa pagmonitor ang Iloilo City Police Office sa mga miyembro sang nasambit nga gang pinaagi sa online platform.
