ILOILO CITY – Positibo ang Iloilo City Police Office nga mangin madinalag-on ang Batang Pandilla Project apisar sang pandemya.
Ini ang kaangot man sa asud-asud nga rambol sa syudad sang Iloilo sa diin naangot ang mga gang.
Sa exclusive interview sang Bombo Radyo kay Police Executive Master Sgt. Ruth Laudato, focal person sang Batang Pandilla Project kag Chief Clerk sang Women and Children Protection Desk sang Iloilo City Police Office, iya ginpahayag nga tutukan nila sang maayo ang mga gang sa syudad pinaagi sa pagpatigayon sang nagkalain-lain nga aktibidad.
Suno kay Laudato, madugay na sila nagapatigayon sang Batang Pandilla Project sa diin ini ang sadto anay “Project B.O.N.G” ukon Bringing Order to the Nemesis of Gang sa diin ginlunsyar ini agud mabuligan ang mga menor de edad nga masami nagapang-gamo.
Ginpahayag sang natungdan, nga may mga serye na sila sang pagsinapol kaupod ang mga kabataan agud makalikaw ang mga ini sa pag-upod sa mga gang.
