Nagtaas pa ang numero sang mga empleyado nga nadala sa layoff sa Walth Disney Company.
Kun ang sadto 28,000 nga plano sang kompaniya, sa subong 32,000 na nga mga empleyado ang madulaan sang trabaho sa theme parks bangud sa epekto sang pandemya.
Ang layoff ang mangin epektibo sa 2021.
Samtang ang theme parks sang Disney sa Florida ang liwat nga nagbukas bangud wala sang panibag-o nga outbreak sang virus apang hugot naman ang pagpatuman sang social distancing, testing kag paggamit sang face mask.
Ang Disneyland sa Paris ang liwat nga ginsirado bangud sa pagpatuman sang France sang panibag-o nga lockdown agud mapunggan ang second wave sang COVID-19.
Nagapabilin naman nga bukas ang theme parks sang nasambit nga kompaniya sa Shanghai, Hong Kong kag Tokyo.
