ILOILO CITY – Nakarekord sang walo ka kaso sang COVID-19 ang barangay Bolilao Mandurriao, Iloilo City.
Sa exclusive interview sang Bombo Radyo kay Punong Barangay Joy Salfin, iya ginpahayag nga isa ka boarding house lang ang gina-istaran sang walo ka nagpositibo sa diin naka close contact sa isa man ka boarder nga una na nga nagpositibo sa nasambit nga virus.
Suno kay Salfin 13 ang ginpaidalum sa ila barangay sa swab ukon real-time reverse transcription polymerase chain reaction (RT-PCR) kag naguwa nga nagpositibo ang walo diri.
Sa subong, padayon ang pagcontact trace sa mga nakaupod sang mga nagpositibo.
