ILOILO – Nagapadayon ang hingyo sang Regional Civil Security Unit sang Philippine National Police sa tanan nga mga nagapanag-iya sang firearms nga magparenew sang lisensya.
Sa interview sang Bombo Radyo kay Police Lt. Col. Joem Malong, spokesperson sang Police Regional Office 6, iya ginpahayag nga ginpalawig pa sang Police Regional Office 6 (PRO6) ang pagprocess sang renewal sang License To Own and Possess Firearm (LTOPF).
Suno kay Malong 43,758 ang nagapanag-iya sang firearms nga rehistrado kag yara sa 40,515 ang wala naka pa renew sang lisensya.
Samtang, 40,195 ang natokhang sa mga balay pinaagi sa Tokhang Kontra Armas Luthang (TKAL).
