Masobra 13 ka milyon na ang narekord nga COVID-19 cases sa Estados Unidos kag kapin 4 ka milyon sa sini nga mga kaso ang narekord subong nga Nobyembre.
Ini ang largest outbreak sang COVID-19 sa bug-os nga kalibutan.
Ang pagtaas sang kaso sini nga bulan ang ginapahayag bangud sa pagbyahe sang mga American citizens para sa long Thanksgiving weekend kag sa paglapas sang mga protocol batok sa nasambit nga balatian.
Matandaan nga una na nag-abiso ang otoridad nga ipaiway anay ang dalagku nga pagtilipon para sa daku nga holiday apang sang adlaw sang Thanksgiving, masobra isa ka milyon ang narekord nga nag-agi sa mga airport checkpoints.
Suno kay Bombo International Correspondent Farther Fred Vergara direkta sa New York, naandan sang mga residente nga magpauli sa ila nga mga pamilya sa sini nga tion gani nga wala gid nasunod ang iban nga mandu sang gobyerno.
Apang sa New York suno kay Father Vergara, naghagan-hagan ang mga tawo sa pagselebrar kag mismo sa ila na lang nga mga balay nagtinir.
