ILOILO CITY – Ginkumpirma sang Barangay Calaparan, Arevalo, Iloilo City, nga naangot sa kinagamo ang grupo sa ila lugar nga MS 13 (McStuffins).
Sa interview sang Bombo Radyo kay Barangay Kagawad Rodrigo Montaño, iya ginpahayag nga natukiban na nila ang mga pangalan kag ang lider sang nasambit nga gang sa ila nga lugar.
Suno kay Montaño, ang mga nasambit nga myembro ang may paglapas sa curfew, naangot sa mga pang-gamo, kag hinabuyanay sang botelya kag bato.
Pahayag sang opisyal nga may 23 ka myembro ang ila ginpatawag sa Barangay Council for the Protection of Children (BCPC).
Dugang sang natungdan nga kapin 5 ka-tuig na nga naga-exist ang grupo nga MS 13 (McStuffins).
