ILOILO – Ipaiway ang Iwag Christmas Lights Festival sa Pototan, Iloilo bangud sa COVID-19 pandemic.
Sa exclusive interview sang Bombo Radyo kay Mayor Rafael Enrique “Adi” Lazaro, iya ginpahayag nga mapabutang lamang sila sang gamay nga dekorasyon kag suga agud mabatyagan sang pumuluyo ang ispirito sang paskwa.
Bangud diri suno kay Lazaro, malikwan man ang gasto ilabi na nga mabudlay ang sitwasyon sa tunga sang pandemya.
Ginpahayag sang alkadle nga sang nagligad nga tuig, nagalab-ot sa kapin 20,000 ang mga pumuluyo nga nagatambong sa okasyon kada Disyembre.
Apang subong, unahon ang seguridad sang tanan pinaagi sa pagpaiway sang mga programa nga makahakot sang tawo.
