ILOILO CITY – Ginpagwa na ang resulta sang autopsy examination sa lawas sang tricycle driver nga si Mark Henry Alpasan nga nasapwan-patay sa Brgy. Banuyao, La Paz, Iloilo City.
Sa exclusive interview sang Bombo Radyo kay Dr. Joe Martin Fuentes, Medico-Legal Officer sang Police Regional Office 6, iya ginpahayag nga nag-angkon sang pilas sa nawala nga bahin sang ulo ang biktima kag hemorrhage sa utok.
Suno kay Fuentes, may lagub man ini sa nawala nga liog malapit sa collarbone kag wala sang defense wounds nga nakit-an sa lawas.
Pahayag sang natungdan nga tuga sang pagkalampus sang matig-a nga bagay kaangay sang bato, kahoy kag sansalon ang gintunaan sang kamatayon ni Alpasan.
Matandaan nga nasapwan nga patay na kag natabunan sang hilamon sa talamnan si Alpasan.
Padayon man sa pag-imbestiga ang mga otoridad sa matuod nga motibo sa likod sang krimen.
