ILOILO CITY- Mahatagan na sang insurance ang mga sugarcane farmers sa bilog nga pungsod.
Sa interview sang Bombo Radyo kay Iloilo 3rd District Board Member Matt Palabrica, iya ginpahayag nga nagpadala sang sulat sa Sangguniang Panlalawigan ang Philippine Crop Insurance Corporation nga nagakilala sa tanan nga sugarcane farmers.
Suno kay Palabrica, ginmanduan na sang nasambit nga attached agency sang Department of Agriculture ang tanan nga regional offices sini nga magrecruit sang mga sugarcane farmers agud mag-enroll sa insurance coverage.
Dugang pa ni Palabrica, ini ang resulta man sang iya pagpadala sa Malacanang kag sa Department of Agriculture Central Office sang kopya sang resolusyon nga iya ginpasar nga nagahingyo nga pauntaton na ang exportation sang kalamay bangud ginabanta nga magalab-ot sa P920,000,000 ang mangin kapierdehan sang mga sugarcane farmers sa tion nga magpadayon ini.
