ILOILO CITY- Pormal na nga nagpungko ang bag-o nga regional director sang Police Regional Office 6.
Ini amo si PBGen. Rolando F. Miranda nga amo ang nagbulos sa ginrelieve nga si Police Brigadier General Rene Pamuspusan.
Si Miranda ang anay chief sang Manila Police District antes ginbuslan si Pamuspusan nga gin-assign naman sa Directortate for Plans sa Campo Crame.
Nahibaluan nga indi na bag-o si Miranda sa Western Visayas bangud nangin chief of directorial staff ini sang Negros Island Regional Police Office sadto kag nagserbe man nga officer-in-charge sang Negros Occidental Police Provincial Office sang 2017.
