ILOILO – Tuman ang pagpamahog sang 38 anyos nga magulang sa dalagita nga manghod rason nga sa una nga beses niya ini nga ginhimuslan, wala ini makapanugid sa ila iloy sa Barotac Viejo, Iloilo.
Ini ang may kaangtanan sa biktima nga si alyas Nene, 16, kag suspek nga iya man magulang nga si alyas Nonoy, 38, soltero kag lunsay residente sang nasambit nga lugar .
Sa exclusive interview sang Bombo Radyo kay Alyas “Neneng”, nanay sang biktima kag suspek, iya ginapahayag nga sang Nobyembre 27, ginpatig-ang sa liwat ni alyas Nonoy ang iya nga manghod sa iya nga kamalig kag didto liwat nalab-ot agud himuslan sang makatatlo ka beses.
Suno kay Neneng, didto na nakapanugid ang dalagita nga ginlugos ini sang makapila sang iya nga magulang.
Pahayag ni Neneng nga sang mahibaluan niya ini, gilayon niya nga ginsugod ang iya subang nga bata kag ginsakit apang nagpalagyo ini matapos natukiban nga nagpanugid ang iya iloy sa mga otoridad.
Dugang pa sang natungdan nga gilayon man nga ginpaidalum sa medical examination ang iya dalagita nga bata.
