Ginpakamalaot sang Europen Union ang madasig nga pag-apruba sang Britain sa mga COVID-19 vaccines sang Pfizer kag BioNTech.
Ang desisyon ang ginhimo sa idalom sang ultra-fast, emergency approval process nga nagapahanugot sa British drugs regulator nga i-authorize ang bakuna 10 ka adlaw matapos nga nag-umpisa ini sa pag-examine sang data gikan sa large-scale trials.
Suno sa European Medicines Agency (EMA) nga amo ang in-charge sa pag-apruba sang COVID-19 vaccines para sa European Union, ang longer approval procedure ang mas insakto bangud madamo pa nga mga ebidensya ang matipon ipaanggid sa emergency procedure nga napilian sang Britain.
Pahayag sa ahensya, desisyonan sa Disyembre 29 kun bala i-authorize ang bakuna halin sa US drugmaker nga Pfizer kag German partner nga BioNTech.
