Nagapabilin sa ospital si Sen. Ronald Bato Dela Rosa matapos nga nagpositibo sa COVID-19.
Ginhilanat kag gin-ubo ang 58 anyos nga senador rason nga gindala ini sa ospital agud nga ma-monitor.
Suno sa iya nga staff, naga amat-amat na maayo ang kondisyon ni Dela Rosa.
Una nga gin-anunsyar sang senador nga nagpositibo ini sa COVID-19 sang Nobyembre 21.
Samtang ang anak, driver kag kabulig sa balay sang senador ang lunsay na-infect sang virus.
Nahibaluan nga si Dela Rosa ang ika-lima nga senador nga natapikan sang COVID-19 subong nga tuig.
Ang iya mga kaupdanan nga sanday Senate Majority Leader Juan Miguel Zubiri, Senators Sonny Angara, Aquilino “Koko” Pimentel, kag Ramon “Bong” Revilla ang lunsay naman mga naka-recover sa balatian.
