Ang makabakal sang salakyan ang ginakabig isa sa pinakamalipay nga tion sang imo nga kabuhi apang para sa isa ka motorista, ang iya kuntani nga handom ang nangin isa na lang ka nightmare.
Excited ang isa ka Indian national nga magmaneho sang iya brand new car samtang ginahitso ang tanan sa isa ka store agud nga makuha na niya ini.
Samtang yara sa sulod sang salakyan ang isa ka empleyado sang store agud nga ma-testingan kuntani ang salakyan, aksidente ini nakadiretso sa pader kag nakabunggo.
Sa pihak nga mangin malipayon ang buyer, naglingin pa ang ulo sini bangud wasak gid ang nauna nga bahin sang salakyan nga iya kuntani baklon.
Naghuna-huna pa ang buyer nga gin-prank lamang siya sang empleyado apang natukiban nga matuod nga aksidente ang natabo.
