Ginalauman nga sa Enero 2021 maga-umpisa ang World Health Organization Solidarity Trial sang COVID-19 vaccine sa Pilipinas.
Ini ang gin-anunsyar ni Dr. Nina Gloriana, pinuno sang Vaccine Expert Panel sang pungsod, matapos ang isa ka bulan nga gin-anunsyar sang Department of Health nga ang WHO clinical trial sang COVID-19 vaccine sa Pilipinas ang ma-umpisa subong nga Disyembre.
Ang World Health Organization Solidarity Trial para sa COVID-19 vaccine trial sa Pilipinas ang maga-cover sang 14 ka mga ospital kag pila ka mga komunidad sa National Capital Region kun sa diin may madamo nga kaso sang COVID-19 , sa Cordillera Administrative Region, mga probinsya sa Cavite kag mga syudad sang Cebu, Davao kag Iloilo.
Wala man gintu-ad pa ni Gloriani ang mga manufacturers nga nalakip sa WHO Solidarity Trial.
Nahibaluan nga ang mga bakuna halin sa Pfizer-BioNTech, Moderna kag AstraZeneca pa lang ang nagpakita sang 90 porsiento nga ka-epektibo sa pagtapna sang COVID-19 matapos ang ginpatigayon nga human trials.
