“Biggest fan”.
Ini ang pagkabig sang actress-comedian Maine Mendoza sa iya kaugalingon matapos ginkilala bilang Best Actor ang iya nobyo nga si Arjo Atayde sa Asian Academy Creative Awards 2020.
Si Arjo ang labing una nga Filipino nga nagdaog sa grand finals awards sang Asian Academy Creative Awards matapos ang tatlo ka tuig nga lunsay national level ang mga awards nga nadag-an sang Pilipinas.
Santu sa tweet ni Maine, well-deserved sang iya nobyo ang nasambit nga award.
Sa instagram post naman sini, ginpahayag sang aktres nga wala na siya nakibot pa nga ginkilala si Arjo bilang Best Actor.
Gin-repost naman sang aktor ang post ni Maine kag ginpahayag nga ang award ang para sa aktres bangud iya ini nga inspirasyon.
Nahibaluan nga ang relasyon nanday Arjo kag Maine ang nag-umpisa sang Disyembre 2018.
