Ginmanduan sang Department of Justice ang National Bureau of Investigation nga magpatigayon sang imbestigasyon sa pagpatay kay Los Baños,Laguna Mayor Caesar Perez.
Kinahanglan man nga magpasa ang National Bureau of Investigation sang periodic reports may kaangtanan sa dalagan sang imbestigasyon kag case buildup sa sulod sang 30 ka adlaw.
Samtang suno naman kay Philippine National Police spokesman Police Brigadier General Ildebrandi Usana, ang pagkalakip ni Perez sa narco list ni Presidente Rodrigo Duterte ang ginakonsidera bilang isa sa mga posible motibo sa pagpatay sa alkalde.
Nahibaluan nga ginluthang patay si Mayor Perez samtang nagalakat padulong sa receiving area sang munisipyo sa diin duha ka igo sa ulo ang iya naangkon.
