Sa mga iloy nga may yara sang makulit nga mga anak, nagalibog man bala ang imo ulo kun ngaa nagareklamo ini sa pagpalanakit sang tuhod?
Para sa mga bata nga aktibo sa patag sang sports, ang pinaka-ginagamit nila nga parte sang lawas amo ang tuhod.
Suno kay Dr. Mark Halstead, sports medicine specialist, kun nagapalamanog ang tuhod sang imo anak, mahimo nga may yara ini sang nana nga tuga sang bacterial infection.
Kun mainit kag nagapalamula ang tuhod naman sini, posible nga may juvenile arthritis ang imo anak. Ini ang makit-an sa nauna nga bahin sang ila nga tuhod. Maangkon ini sang mga bata nga naga edad 6 months old tubtob 16 anyos.
May yara man sang ginatawag pahayag sang doktor sang Jumper’s Knee. Ini ang bangud sa tuman nga paglumpat ukon squatting. Nagakaapektuhan sini ang tendon fibres sa tuhod sang imo anak.
Panugyan sang doktor, kun makabatyag sang pagpalanakit sang tuhod ang imo bata, himuon ang RICE method ukon Rest, Ice, Compression, Elevation agud indi na maglala pa ang sakit kag magpakonsulta sa doktor.
