Atensyon sa mga mag-asawa. Masami bala kamo naga away ni misis ukon mister?
Ano ang imo ginahimo agud malikawan nga maglawig pa ang inyo inaway?
Didto sa Italy may yara sang isa ka lalaki nga naghalin sa ila balay matapos ang pagpakig-bais sini sa iya nga asawa.
Kag sa baylo nga magsakay sa salakyan, mas ginpili sini nga maglakat sang 420 kilometros gikan sa iya nga balay ukon halos isa ka semana nga laktanay.
Wala nag untat kag padayon lang sa paglakat ang 48 anyos nga lalaki agud nga magpatawhay sang iya nga paminsaron.
Bal-an mo kun ano lang ang nag pa untat sa iya?
Ini amo ang nagaronda nga salakyan sang pulis sa Gimarra bangud nga nagalibot ini sa mga dalan agud nga siguraduhon nga nagasunod ang mga tawo sa ginpatuman nga curfew.
Ila nakit-an ang lalaki alas-dos sang kaagahon nga nagalakat sa diin gindala nila ini sa police station.
Didto natukiban nga ang lalaki nga ini ang gin-report sang iya misis nga missing.
Sang nahibaluan sang kapulisan ang rason sang lalaki, ginbuy-an man nila ini apang ginpabayad sang multa nga 400 euros ukon masobra P23,000 bangud sa paglapas sa curfew.
