Nahulat na lang ang resulta sang RT-PCR test sang siyam ka mga mangingisda nga nasalbar sa nagkapan nga sakayang pandagat agud nga makapauli na balik sa Cebu.
Sa interview sang Bombo Radyo kay Commander Edison Diaz, spokesperson sang Philippine Coast Guard Western Visayas District, iya ginpahayag nga sa tion nga mag negatibo ang resulta sang swab test sang mga mangingisda, mahimo na ini makapauli sa Cebu sa diin yara sila sa subong nagapabilin sa Baluarte Elementary School sa distrito sang Molo sa syudad sang Iloilo.
Suno kay Diaz, mismo ang Philippine Coast Guard amo ang ma-facilitate sang pagpauli sang mga mangingisda.
Nahibaluan nga bangud sa mabaskog nga balod kag hangin , nagkapan ang sakayang pandagat sang mangingisda sa kalalawran sa tunga sang Boracay Island kag Barangay Dawit, Caluya Island sa Antique.
Antes nakaresponde ang Philippine Coast Guard, may yara sang duha ka mga vessels nga amo ang nagbulig sa mga mangingisda.
