TIGBAUAN, ILOILO – Gintaban palagyo sang duha ka ma lalaki ang bag sang konduktor sa sulod sang ceres bus sa Parara Norte, Tigbauan, Ioilo.
Ang biktima amo si Jeremy Portin, 26 anyos kag residente sang Nagbangi I, San Remegio, Antique.
Sa interview sang Bombo Radyo ay PCapt. Roy Castro, hepe sang Tigbauan Municipal Police Station, iya ginpahayag nga nagsakay sa ceres bus ang duha ka mga lalaki sa Poblacion, Guimbal.
Suno kay Castro, nagbayad man ang mag suspek sang plete apang ini ang kulang.
Sa baylo nga indi papanaugon, ginpahanugutan na lang ini sang driver sang ceres bus nga si Marlon Manzano, 44 anyos sang Caromangay, Hamtic, Antique nga makasakay.
Sang naglab-ot na sa Parara Norte, Tigbauan ang ceres bus, nag “para” ang duha ka mga lalaki agud nga manaog apang samtang nagatindog ang konduktor, madasig nila nga gin-snatch ang bag.
Ang bag ang ginapahayag may unod nga P10,000 nga natigayon gid madala sang mga suspek.
Sa subong, wala pa madakpan ang mga suspek.
