Atensyon sa mga ginikanan nga may yara sang baby. Nabudlayan ka man bala magpahipos sa imo anak kun ini ang bakunahan?
Indi magkabalaka bangud may yara sang pila ka mga tips agud nga mabuhinan ang sakit nga nabatyagan sang imo nga baby pagkatapos ini nga mabakunahan.
Suno sa pagtuon sang Canadian Pediatric Society, nagalab-ot sang manubo sa 50% ang numero sang mga bag-o bun-ag nga lapsag ang nagabaton sang pain relief sa tunga sang medical procedures.
Apang yari ang pila ka mga tips kag tricks agud makabulig sa pagpahagan-hagan sa sakit nga ginbatyag sang imo babay sa isa ka medical procedure;
Makabig nga bulong para sa mga baby ang breastfeeding. Ang mga bata nga nagasuso sa ila nga iloy ang may manubo nga pain response kaangay sang pag-hibi kag pagbag-o sang heart rate.
Ang skin-to-skin contact ang kilala bilang “kangaroo care” kun sa diin karga mo ang imo baby nga naka diaper lamang kag nakapatong sa imo nga dughan. Suno sa pagtuon, ang mga lapsag nga may skin-to-skin contact sa ila iloy ang mas madasig nga mag-ayo kag gamay lang nga sakit ang mabatyagan.
Apang kun dini mo masarangan nga himuon ang duha ka mga pamaagi, mahimo mo man nga mahatagan sang pacifier ang imo nga baby. Mahimo ka man magbutang sang numbing cream sa tuslukan sang injecton isa ka oras antes ang procedure.
