Patay ang 23 ka tawo matapos ma-trap sa nagtiphag nga minahan sa Chongqing, China.
Sa imbestigasyon sang kapulisan, napatay ang mga biktima bangud sa nahaklo nga carbon monoxide gas sa Diaoshuidong coal mine.
Sa kabug-usan nga 24 ka mga minero, isa lang ang nasalbar matapos ang masobra 30 ka oras nga search and rescue efforts.
Gina-imbestigahan na sang mga otoridad ang nasambit nga insidente.
Ginmanduan naman sang State Council ang Chongqing government nga maglunsyar sang inspeksyon sa mga minahan agud indi na maliwat pa ang insidente.
