Magapatunga na ang gobyerno agud mabuligan nga mabalik sa normal ang presyo sang mga balaklon.
Suno kay Department of Finance Undersecretary Gil Beltran, ang inflation sa Nobyembre ang nagtaas sa 3.3 percent bangud sa mataas nga presyo sang mga nagapanguna nga balaklon.
Nahibaluan nga ang inflation ukon pagtaas sa presyo sang mga balaklon sang Nobyembre ang mas mataas sang 2.5 percent kun ipaanggid sa 1.3 percent nga narekord sang Oktubre.
Ginpahayag ni Beltran nga ang inflation subong nga tuig ang sulod sa ginalauman sang gobyerno nga 2 to 4 percent nga target.
Agud masigurado ang pagbalik sang normal sa presyo sang mga balaklon, magabulig ang Department of Agriculture kag Department of Transportation sa pagdeliver sang mga food supplies halin sa mga imports kag food-surplus regions.
“However, to ensure prompt price normalization, the Department of Agriculture kag Department of Transportation may need to facilitate movement of food supplies from imports and food-surplus regions,” pahayag ni Beltran.
Ang average nga presyo sang pagkaon sang Nobyembre ang nagtaas sang 4.49 percent, halin sa 2.13 percent sang nagligad nga bulan.
Ang presyo sang karne ang nagtaas sang 8.15 percent, 5.32 percent sa isda kag 14.6 percent sa utanon.
Paathag sang tiglikom, ang pagtaas sa presyo sang utanon ang bangud sa sunod-sunod nga bagyo nga nag-igo sa pungsod.
