ILOILO – Ginalantaw nga dako nga problema kun magbubu ang mamunog nga ulan, amo ang landslide sa banwa sang Balasan, Iloilo.
Sa interview sang Bombo Radyo kay Punong Barangay Joecel Bernal, sang barangay Salvacion, Balasan, Iloilo, iya ginpahayag nga sa tion nga magbaha sa ila lugar, indi malabayan sang salakyan ukon sang mga pumulyo ang mga dalan.
Isa sa mga rason sa madasig nga pagbaha amo ang pagkalbo sang mga bukid.
Bangud sa mga kemikal nga ginagamit sa maisan suno kay Bernal, nagakalbo ang mga kagulangan.
Ginpahayag ni Bernal nga sang damlag lang nga mga pag-ulan, may mga duta nga nagtiphag sa iban nga bahin sang ila nga lugar.
Isa man sa ginatumod rason sang pagkalbo sang kagulangan suno kay Bernal amo ang pagkaingin.
