Luyag mo bala mag-istar sa malinong, malayo sa pollution, malayo sa masako nga lugar kag wala ka sang kaiping nga mga panimalay?
Didto sa southern coast sang Iceland, makit-an ang ginbansagan nga “loneliest house in the world”.
Ini bangud naga-isahanon lang ini sa isla sang Elliðaey humalin sang tuig 1950.
Ginpatukod ini bilang hunting lodge.
Madamo na ang nagka-interes nga baklon ang balay apang wala sa ila ang nangin madinalag-on.
Ginadumala mismo sang mga myembro sang Elliðaey Hunting Association ang balay sa diin ginapabilin ini nga malimpyo agud matiniran sang mga turista.
Sa subong, wala sang may naga-istar sa amo nga balay apang kun luyag mo nga bisitahon ini, may yara sang mga tour companies nga makabulig sa imo padulong sa Vestmannaejar archipelago.
