Liwat na naman nga nagguba ang siphon sang Lateral E sang Jalaur River Irrigation System sa Barangay Monpon, Barotac Nuevo, Iloilo.
Sa interview sang Bombo Radyo kay Iloilo 4th District Senior Board Member Rolando Distura, iya ginpahayag nga mabutang sa risgo ang palangabuhian sang mga mangunguma sa banwa sang Barotac Nuevo kag Dumangas nga sakop sang 3,726 ektarya nga talamnan.
Naghingyo si Distura sa National Irrigation Administration Region 6 nga kun mahimo mapadasig ang pagkaayo sang siphon.
Nagpangabay man ang board member sa mga mangunguma nga ikonsidera anay ang mga alternatibo nga produkto nga mahimo itanom samtang wala pa sang kasiguraduhan kun san-o makaayo ang nagguba nga siphon.
