Hugot nga ginasunod sang Barangauy Tacas, Jaro, Iloilo City ang 8:00 sa gab-i nga curfew para sa mga menor de edad.
Sa interview sang Bombo Radyo kay Punong Barangay Joseph Poral, iya ginpahayag nga nagalibot ang ila nga patrol sa barangay agud tsekyaron kun may mga kabataan pa nga nagaliho-liho sa dalan.
Sa tion nga may makit-an nga menor de edad nga lapaw 8:00 sang gab-i, sila ang ginapasakay sa patrol kag ginadul-ong mismo sa ila mga panimalay.
Nagpanawagan naman si Punong Barangay Joel Jabonillo sa mga ginikanan sa Tabuc Suba, Jaro, Iloilo nga lantawon gid kun yara na ang mga kabataan sa ila balay antes pa man mag alas-otso sang gab-i.
Suno kay Jabonillo, nagalibot man ang mga tanod agud nga ma monitor ang tagsa ka Sitio sa ila nga barangay kun bala may mga kabataan nga naga-tambay pa apisar lapaw na sa curfew hours.
