ILOILO – Nakapasar na ang Sangguniang Panlalawigan sang Probinsya sang Iloilo sang ordinansa nga nagamando sang tanan nga magsuksok sang face shield kag face mask.
Sa interview sang Bombo Radyo kay Board Member Jun Mondejar sang 2nd District of Iloilo, iya ginpahayag nga obligado ang pumuluyo sa probinsya sang Iloilo nga magsuksok sang face shield sa pampubliko nga lugar.
Suno kay Mondejar, ang indi magasunod sa ordinansa ang magapangatubang sang penalidad.
Hugot man ini nga ipatuman sa mga katapo sang kapulisan kag mga barangay official.
Pahayag sang natungdan nga nalipay man ini sa ginpaguwa nga mando sang National Inter-Agency Task Force sa mando nga pagsuksok sang face shield agud masiguro ang safety sang tanan.
