ILOILO CITY – Naangot sa Odicta drug group ang ginpahayag drug ex-convict nga ginluthang patay sa MV Hechanova, Jaro, Iloilo City.
Ang biktima amo si Elezer Galon ukon mas kilala nga alyas “Intsik”, 31 anyos.
Sa interview sang Bombo Radyo kay Police Captain Mark Anthony Gesulga, hepe sang Jaro Police Station, iya ginpahayag nga nakaguwa sa presohan si Galon sang tuig 2018 kag nag-umpisa sang iya negosyo nga pautang.
Base sa imbestigasyon sang kapulisan, wala na nagapauli pa sa Tanza Esperanza, Iloilo City Proper si Galon bangud naga upod na ini s aiya live in partner nga taga San Isidro, Jaro.
Sa subong padayon ang imbestigasyon nga ginahimo sang kapulisan kag nagapangabay ini sa pamilya sang biktima nga hatagan lang sang gamay nga tyempo ang Jaro PNP agud mahitso ang imbestigasyon kag madakpan ang mga suspek.
