Nagnubo sa 16% ang mga pamilya nga Pilipino nga nakaeksperyensya sang “involuntary hunger” ukon kagutom.
Santo sa latest nga report sang Social Weather Stations (SWS), ginabanta 4 million nga mga Pilipino sa pungsod ang nagabatyag sang kagutom sa last quarter sang 2020.
Ang pinakaulihi nga hunger rate ang mas manubo sang 15 percent sa record-high nga 30.7 percent ukon 7.6 million nga mga pamilya sang Setyembre santo sa survey nga ginpatigayon sang Nobyembre 21 tubtub 25.
Ini ang mas doble naman sa pre-pandemic nga 8.8 percent ukon 2.1 million nga pamilya sang Disyembre 2019.
Paathag sang SWS, ang involuntary hunger ang nagakahulugan nga wala sang may makaon sa sulod sang tatlo ka bulan.
Ang Metro Manila ang may pinakamataas nga “incidence of hunger” nga may 23.3 percent ukon 780,000 nga pamilya.
Ini ang ginasundan sang Mindanao nga may 16%, Luzon nga may 14.4 percent kag Visayas nga may 14.3 percent.
Sang Setyembre, ang mga ginagutom ang yara sa 40.7 percent ukon 1.9 million ka pamilya sa Visayas, 37.5 percent ukon 2.1 million ka pamilya sa Mindanao, 28.2 percent ukon 941,000 ka pamilya sa Metro Manila kag 23.8 percent ukon 2.6 million nga pamilya sa Luzon.
“With hunger at 16.7 percent in May, 20.9 percent in July and 30.7 percent in September, the average hunger rate for the full-year 2020 is a new record 21.1 percent of families,” pahayag sang SWS.
Sang Nobyembre, ang 16 percent ang hunger rate ang kabug-usan na sang 12.6 percent ukon ginabanta 3.1 million ng Pilipino nga nakaeksperyensya sang “moderate hunger” kag 3.4 percent ukon 838,000 ka pamilya nga nakaeksperyensya sang “severe hunger.”
Ang Moderate hunger amo ang mga nakaeksperyensya sang “only once” ukon “a few times” nga kagutom sa sulod ang tatlo ka bulan.
Ang severe hunger naman ang nagakahulugan sang “often” ukon “always” nga kagutom sa sulod sang tatlo ka bulan.
Ang Fourth Quarter 2020 Social Weather Survey, amo ang pinakauna nga survey nga nagpatigayon sang face-to-face interview sa 1,500 adults, ukon 18 anyos pasaka.
