Kabahin na sang pagpadako sa bata ang pag-angkon sang problema sa pagkaon. Apang indi ka dapat mawad-an sang paglaum!
Madamo sang pamaagi nga pwede mo himuon agud mangin mabaskog kag may gana magkaon ang imo anak.
Suno kay Dr. Richard Mata, isa ka pediatrician, mahimo nga namana sang bata ang pagkamapili sini sa pagkaon sa iya man nga nanay sang ini ang bata pa.
Kun kaisa, mas mahilig mag-inom sang gatas ang mga bata rason nga nagaproblema ini nga makakaon sang solid foods.
Kag ang solusyon pa sang ila iloy agud magkaon si baby, ginakusi ini ukon ginbakol. Agree ka dira di bala?
Importante nga tandaan sa pagpakaon sang bata, dapat indi sila pag i-pressure.
Kun luyag mo nga magkaon sang utan ang imo anak, gamayon lamang ini nga mahimo mo ma-impon sa iban niya nga ginakaon agud indi sini masaboran sang maayo.
Uso man subong ang mga ginatawag nga bento box sa diin imo mapakita ang pagka-creative sa pagkaayo sang pagkaon ni baby nga manami sa iya panan-awan.
Kinahanglan lang nga palabaon mo ang imo pasensya sa mga chikitings kag ipahangop sang maayo ang manami nga benepisyo nga maangkon sang ila lawas sa pagkaon sang masustansya nga mga pagkaon kaangay na lang sang utan kag prutas.
