PAVIA, ILOILO – Nagabuligay ang mga empleyado sang local government unit sang Pavia, Iloilo sa pagpanagtag sang libre nga kape, tahu, pandesal kag arroz caldo sa mga sumilimba sang Sta. Monica Parish Church kadungan sang Misa de Aguinaldo.
Sa interview sang Bombo Radyo kay Michael Himar, empleyado sang LGU Pavia, iya ginpahayag nga ang nasambit nga programa ang nag-umpisa pa kay the late Congressman Arcadio Gorriceta, ginpadayon sang iya anak nga si 2nd District Congressman Michael Gorriceta kag subong ni Pavia Mayor Luigi Gorriceta sa diin tuigan na ini nga ginahimo.
Suno kay Himar, tagsa ka gab-i kag kaagahon ang pagpanagtag sang libre nga mga pagkaon sa mga sumilimba.
Dugang pa sang natungdan, ang mga pumuluyo mismo amo ang nagakuha sang ila luyag nga pagkaon sa ibabaw sang lamesa agud malikawan ang dahu-anay.
