Ika-52 na nga laboratoryo ang molecular laboratory sang probinsya sang Iloilo sa Western Visayas.
Sa interview sang Bombo Radyo kay Department of Health Region 6 Director Dr. Marlyn Convocar, iya ginpahayag nga isa sa mga dapat handaan sang molecular laboratory sang probinsya amo ang pagsaka sang kaso sang COVID-19 ilabi na subong nga holiday season.
Suno kay Convocar, indi gid magkumpiyansa subong nga tinion bangud padayon pa nga nagadugang ang kaso sang virus sa Western Visayas.
Sa tion nga may yara na sang COVID-19 vacine sa masunod nga tuig kag magnubo na ang mga kaso, mahimo nga maggamit ang molecular laboratory para naman sa mga emerging diseases kaangay sang dengue kag ebola.
Mas maayo pahayag ni Convocar nga ma-maximize ang tanan nga gamit sang molecular laboratory.
Nagpasalig man ang natungdan nga padayon nga magasuporta ang Department of Health Region 6 sa mga tikang nga ginahimo ni Iloilo Governor Arthur Defensor Jr. sa pagcontrol sang paglapta sang COVID-19.
