Kun matam-an expose ang mga mata sang isa ka-tawo sa Ultraviolet (UV) light nga masami makuha sa mga gadgets nga cellphone ukon computer, ini ang tunaan sang pagkaguba sang tulog ukon sleeping pattern.
Sa interview sang Bombo Radyo kay Dr. Jere Ledesma Cejar, isa ka Optometrist, iya ginpahayag nga may macular degeneration ukon pagkaguba sang central portion sang retina kun matam-an ini sang UV Light nga amo ang ginatunaan sang tuman nga pagpulaw sang iban nga tawo nga mahimo makapanubo sang immune system.
Ginpanugyan man sang natungdan nga pili-on ang orihinal nga sahi sang lenses sa antipara agud maprotektahan ang mga mata.
Samtang ang mga optometrist indi lamang literal nga nagabulig improve sang vision sang isa ka tawo kundi nga empower man sa vision ukon panan-awan sa pangabuhi.
Ini amo ang katungdanan sang isa ka optometrist pinaagi Neuro-Linguistic Programming.
Sa interview sang Bombo Radyo kay Dr. Jun Acebedo, iya ginapahayag nga ang nasambit nga Neuro-Linguistic Programming amo ang simple nga study of excellence.
Suno kay Dr. Acebedo, specialization man niya ang pagbag-o sang mindset sa mga pumuluyo padulong sa kadalag-an sa pangabuhi.
Pahayag sang natungdan nga ang tanan naga-umpisa sa paminsaron kag may mga proseso lamang nga dapat sundon.
