Ginmanduan ni Presidente Rodrigo Duterte ang mga otoridad nga siguraduhon nga magapabilin sa presohan si Police Senior Master Sgt. Jonel Nuezca matapos ginluthang-patay ang mag-iloy sa Paniqui, Tarlac.
Ang mag-iloy amo sanday Sonya Gregorio, 52, kag Frank Anthony Gregorio, 25.
Sa public address ni Presidente Duterte, iya ginpahayag nga may yara sang sakit sa paminsaron si Nuezca.
Nagalibog man ang ulo niya kun ngaa nakapasar sa Neuro-Psychiatric exam ang pulis.
Suno sa iya, nagakadapat nga ang akto sang pulis ang nagasunod sa layi.
Dugang pa sang presidente, si Nuezca ang sahi sang tawo nga dapat matapikan sang COVID-19.
Nahibaluan nga ginpakita mismo ni Senator Christopher Bong Go kay Presidente Duterte ang video sang pulis kag sang mag-iloy.
Gin-ako man sang Presidente nga bisan siya ang napanganga sa makahalanusbo nga krimen.
