Sa subong, mas tutok na ang mga kabataan sa mga gadgets apang may yara man nga iban nga padayon sa gihapon nagahampang sang monyeka ukon doll ilabi na ang inyo mga anak nga babaye.
Suno kay Dr. Sarah Gerson, isa ka neuroscientist, ang paghampang sang monyeka ang nagabulig sa ila agud nga madevelop ang empathy.
Pinaagi sang empathy, mas mahangpan sang imo anak ang behavior sang iban nga tawo.
Mas naga-aktibo man ang paminsaron sang bata sa paghampang sang monyeka kun ipaanggid sa mga gadgets.
Pahayag pa sang doctor, wala sang dapat kabalak-an kun naga-isahanon ang imo anak sa paghampang sang mga monyeka bangud mas mahanas pa gid sini ang iya mga skills.
