ILOILO CITY – Ginakahangaw-an sang mga Public Utility Vehicle drivers sa syudad sang Iloilo ang asod-asod nga trapiko nga nagaluntad sang damlag lang.
Bangud sini, sa baylo nga mapasangkad ang kita sang drivers, nagakapyerde pa ang mga ini.
Sa interview sang Bombo Radyo kay alyas “Jun”, driver sang isa ka de pampasahero nga jeep sa syudad sang Iloilo, iya ginpahayag nga sang una, nagadangat pa siya sa masobra lima ka ruta apang subong tatlo nalang.
Suno kay Jun, sang wala pa sang pagpugok sang trapiko, 30 minutos lamang ang ruta sang byahe niya kag makabalik naman.
Pahayag sang natungdan nga sa subong, nagalab-ot isa tubtob duha ka oras ang iya ruta nga ginatunaan man sang pagkapyerde sang iya kinitaan.
