Gin-ulan sang pagpakamalaot ang pinay celebrity nga si Mystica matapos gindepensahan si Police Senior Master Sgt. Jonel Nuezca nga nagluthang-patay sa mag-iloy sa Paniqui , Tarlac.
Ang mga biktima amo sanday Sonya Gregorio, 52 nga amo ang iloy kag anak sini nga si Frank Anthony Gregorio, 25, residente sang Barangay Cabayaoasan, Paniqui, Tarlac.
Samtang ang nangluthang naman nga pulis nga si Nuezca ang naka-destino sa Parañaque City Crime laboratory unit kag kasilingan lang sang mga biktima.
Suno kay Mystica, ginbastos sang mag-iloy nga Gregorio si Nuezca nga ginapatuman lang ang kalinong kag katawhay sa ila lugar.
Ang anak man sang pulis nga si Elisha nga nagsinggit “My Father is a Policeman” ang luyag lang kuno nga ipalab-ot sa mga biktima nga respetuhon ang iya amay.
Gintawag man ni Mystica ang mag-iloy nga Sonya kag Frank nga mga “pasaway” bangud sa pagamit sang ‘Boga’.
Gindugang man sang komedyante nga naintindihan niya ang sitwasyon sa diin nadulaan lang sang kontrol sa iya emosyon si Nuezca bangud sa insidente.
