GUIMBAL, ILOILO – Ginlockdown ang Rep. Pedro G. Trono Memorial Hospital sa Guimbal, Iloilo bangud sa pagpositibo sa COVID-19 sang 15 ka mga medical staff.
Sa interview sang Bombo Radyo kay Dr. Cynthia Cabangal Ng, pinuno sang Hospital Management Office, iya ginpahayag nga 15 ka mga medical staff ang ginalakipan sang 13 ka mga nurses, isa ka nursing aid kag isa man ka institutional worker.
Suno kay Ng, posible nga tubtob Enero 3, 2021 ang lockdown sa nasambit nga ospital apang ini ang istoryahan pa.
Gani nagapangabay si Ng sa iban nga mga ospital nga batunon anay ang mga pasyente nga indi mabaton sang Rep. Pedro G. Trono Memorial Hospital.
Sa subong , ginapatigayon na sang local government unit ang contact tracing.
