Ginpanawagan sang Simbahang Katolika sa mga tumuluo nga hibaluon ang matuod nga kahulugan sang Paskwa.
Sa interview sang Bombo Radyo kay Msgr. Meliton Oso, director sang Jaro Archdiocesan Social Action Center, sang Archdiocese sang Jaro, iya ginpahayag nga manami gid nga mabasahan sang publiko ang istorya nga ginsulat ni Charles Dickens nga ginatiguluhan ‘A Christmas Carol’.
Diri makit-an suno kay Oso nga ang Paskwa amo ang kindness, generosity kag compassion nga ginpakita man sang mahal nga manluluwas nga si Hesukristo sang siya ang nagkari sa kalibutan.
Pahayag ni Oso, ang pagkabun-ag ni Hesukristo sa pasungan ang nagapahibalo sang matuod nga sitwasyon sang pigado.
Gani nagpanugyan si Oso sa mga pumuluyo nga magbalik sa ginsuguran kag balikdon ang mga pigado sang may kaluoy, kaalwan, kabuot kag may konsensya.
